Педагогтердің инновациялық тәжірибесін зерделеу мақсатында 2018 жылғы 22 ақпан күні Жарқайың ауданы, А.Үкібаев атындағы орта мектебі мен Н.Крупская атындағы орта мектептің негізінде мұғалімдердің озық педагогикалық тәжірибелерін зерделеу бойынша семинар өтті. Семинарға аудандық мектеп директорларының оқу ісі жөніндегі орынбасарлары, сонымен қатар білім бөлімінің әдіскерлері шақырылды.

Семинар барысында «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан Республикасының Президенті Н.Ә.Назарбаевтың 2018 жылғы 10 қаңтардағы Қазақстан халқына жолдауының іске асырылуы бойынша ақпарат берілді.

Семинар жоспарына сәйкес 15 мұғалімнің инновациялық тәжірибесі қарастырылды.